“ᐃᓪᓗᕋᓛᑦᑎᓐᓂ” ᑏᕖᒃᑯᑦ ᑕᑯᓐᓇᒐᐅᕗᑦ ᓱᕈᓯᓛᓄᑦ ᓴᖅᑭᔮᖅᑎᑦᑎᔪᑦ ᐃᓄᐃᑦ ᐅᖃᐅᓯᖏᓐᓂᒃ, ᑕᑯᒥᓇᖅᓴᐅᑎᖏᓐᓂᒃ, ᐱᖅᑯᓯᖏᓐᓂᒃ, ᐊᓐᓂᕆᔭᖏᓐᓂᒡᓗ, ᐊᒻᒪ ᐃᓕᓐᓂᐊᕈᑎᑦᑎᐊᑕᐅᕗᑦ ᑲᓇᑕᒥᐅᓄᑦ ᓱᕈᓯᕐᓄᑦ. ᑖᒃᑯᐊ ᐃᓄᖃᖃᑦᑕᕐᓂᐊᖅᑐᑦ ᐃᓄᖕᓂᒃ ᑎᑕᑦᑎᓂᒃ ᐊᒻᒪᓗ ᐱᖅᑯᓯᑦᑎᓐᓂᒃ ᐊᑐᖅᑐᓂᒃ ᑕᑯᓐᓇᒐᐅᕙᒃᑐᓂᒃ ᐅᖃᓪᓚᒃᑎᐅᖃᑦᑕᕐᓂᐊᖅᑐᑎᒃ ᐃᓕᓐᓂᐊᕈᑎᓂᒃ ᓴᖅᑭᔮᖅᑎᑕᐅᔪᓂᒃ (ᐊᐅᓚᔪᓕᐊᖑᓯᒪᔪᑦ, ᐃᓄᙳᐊᑦ, ᐊᒻᒪᓗ ᐱᓕᕆᔪᑦ ᐊᔾᔨᓕᐅᖅᑕᐅᓯᒪᔪᑦ). ᐊᐅᓚᔪᓕᐊᖑᓯᒪᔪᑦ ᐊᑐᖅᑕᐅᕗᑦ ᐅᓂᒃᑳᖅᑎᐅᓪᓗᑎᒃ ᐃᓄᐃᑦ ᐅᓂᒃᑳᖅᑐᐊᖏᓐᓂᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᕙᑎᑦᑎᓐᓂᒃ, ᐊᒻᒪᓗ, ᐃᓄᐃᑦ ᐃᓕᓐᓂᐊᕈᓯᖏᓐᓂᒃ (ᓈᓴᐅᓯᕆᓂᖅ, ᑕᖅᓴᓕᕆᓂᖅ, ᓴᓇᒪᔪᓕᕆᓂᖅ, ᑎᑎᖅᑭᕆᓂᖅ, ᐊᓯᖏᓪᓗ).

ᑕᑯᓐᓇᖅᑎᑦᑎᖃᑦᑕᕐᓂᐊᖅᑐᑦ ᐃᓕᖅᑯᓯᖏᓐᓂᒃ ᐊᕙᑎᖓᓂᓗ ᑲᓇᖕᓇᐅᑉ ᐅᑭᐅᖅᑕᖅᑐᖓᑕ, ᑲᓇᑕᒥᐅᒐᓴᖕᓄᑦ ᑕᑯᔭᐅᓚᐅᖅᓯᒪᖖᒋᑦᑐᓂᒃ, ᑭᖑᓕᕇᑦ ᑖᒃᑯᐊ ᑕᑯᕚᓪᓕᖅᑎᑦᑎᖃᑦᑕᕐᓂᐊᖅᑐᑦ ᐃᓕᖅᑯᓯᖅᑎᒍᑦ ᐊᔾᔨᒌᖖᒋᑦᑐᓂᒃ, ᑐᓴᕈᒥᓇᖅᑐᓂᒃ, ᖁᕕᐊᓇᖅᑐᓂᒡᓗ. ᐃᒡᓗᕋᓛᕐᒥ ᐃᓕᓐᓂᐊᖅᑎᑦᑎᓂᐊᖅᑐᖅ ᐅᑭᐅᖅᑕᖅᑐᒥ ᓱᕈᓯᕐᓂᒃ ᐃᓕᖅᑯᓯᖏᓐᓂᒃ ᐅᖃᐅᓯᖏᓐᓂᒡᓗ ᐃᓕᓴᐃᓗᓂᓗ ᑕᑯᓐᓇᖅᑐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᖃᖅᑳᖅᓯᒪᖖᒋᑦᑐᓂᒡᓗ ᓱᕈᓯᕐᓂᒃ ᑲᓇᑕᒥ ᐃᓄᐃᑦ ᐃᓕᖅᑯᓯᖏᓐᓂᒃ ᐱᖅᑯᓯᖏᓐᓂᒡᓗ ᐊᕙᑎᖓᓂᓗ ᓄᓇᕘᑉ ᐅᑭᐅᖅᑕᖅᑑᓪᓗ.