Looee Arreak

ᓗᐃ ᐋᕆᐊᒃ ᓵᓚᒃᓴᖃᑦᑕᖅᓯᒪᔪᖅ ᐃᓄᒃᑎᑐᑦ ᐃᖖᒋᖅᑎᐅᓪᓗᓂ-ᐃᖖᒋᐅᓯᒃᓴᓕᐅᖅᑎᐅᓪᓗᓂᓗ ᐸᖕᓂᖅᑑᕐᒥᐅᒃᓴᔭ, ᓄᓇᕗᒻᒥ. ᓗᐃ ᐃᖖᒋᐅᓯᕆᕙᒃᑕᖏᑦ ᐃᑦᑕᕐᓂᓴᐃᑦ ᓄᑖᒃᓴᔭᓪᓗ ᐃᓄᐃᑦ ᓂᔾᔭᐅᓯᔭᐅᑎᖏᑦ, ᐱᖃᓯᐅᑦᑐᒋᑦ ᐱᓰᑦ ᐃᖖᒋᖅᑏᓪᓗ. ᓗᐃ ᑕᑯᕋᓐᓈᖅᑕᐅᖃᑦᑕᖅᓯᒪᔪᖅ ᑲᓇᑕᐅᑉ ᐅᑭᐅᖅᑕᖅᑐᖏᓐᓂ, ᐊᖏᕐᕋᒥᓗ ᐃᓛᒃᑰᖅᑐᓂ, ᐱᖃᑎᖃᖅᑐᓂ ᔭᐃᒥᓯ ᐋᕆᐊᖕᒥ ᓂᔾᔭᐅᓯᔭᖅᑎᖁᑎᖏᓪᓗ ᐊᒻᒪ ᐃᖖᒋᖅᑎᖁᑎᖏᑦ. ᓂᔾᔭᐅᓯᔭᖅᑎᒻᒪᕆᒃ, ᓗᐃ ᐱᒻᒪᕆᐅᒋᔭᖃᒻᒪᕆᒃᐳᖅ ᐃᓄᐃᑦ ᐅᖃᐅᓯᖏᓐᓂᒃ ᐸᐸᑦᑎᓂᕐᒥᒃ ᓴᓇᔾᔫᓂᕐᒥᒡᓗ. ᒪᕐᕉᖕᓂᒃ ᓂᔾᔭᐅᓯᐅᖅᓯᒪᔪᖅ ᓄᓇᕗᓕᒫᒥ ᓄᓇᕕᖕᒥᓗ ᓇᕈᓇᒃᓯᒪᔪᖅ. ᓂᔾᔭᐅᓯᔭᐅᓯᐊᒥᓂᖏᑦ ᓈᓚᐅᑎᒃᑰᒐᔪᒃᑐᑦ ᐃᓄᒃᑎᑑᖅᑐᒃᑯᑦ ᓴᖅᑭᔮᖅᑐᖃᐅᖅᑐᓂ ᐃᓄᒃᑎᑐᑦ ᓂᔾᔭᐅᓯᔭᖅᑎᓂᒃ ᐃᔾᔪᐊᕈᒥᓇᕈᓱᒃᑐᓂᒃ. ᓂᔾᔭᐅᓯᔮᖏᑦ ᑕᐃᓂᖃᐅᑦᑎᐊᖅᑐᖅ ᓂᐱᑦᑎᐊᕆᒃᑐᐊᓘᓪᓗᑎᒃ, ᓂᕆᐅᖕᓂᕐᒥᒃ, ᐱᔪᓐᓇᑦᑎᐊᕐᓂᕐᒥᒃ, ᒪᑭᒪᔪᓐᓇᕐᓂᕐᒥᒃ, ᐱᖖᒍᐊᕐᓂᖃᑦᑎᐊᖅᑐᑦ ᓇᒡᓕᒍᓱᖕᓂᖃᖅᑐᑎᒃ ᐃᓚᔮᒥᓂᒃ ᓄᓇᒥᓪᓗ. ᓗᐃ ᐃᖃᓗᖕᒥᐅᑕᐅᓕᖅᑐᖅ ᐅᐃᖓᓗ ᔭᐃᒥᓯ ᕿᑐᕐᖓᖏᓪᓗ ᐱᖓᓲᔪᖅᑐᑦ.

Scroll to Top