ᑕᕐᕆᔮᒃᓴᑦ - At the Cabin

“ᐃᒡᓗᕋᓛᒥ” ᓄᓇᕗᒻᒥ ᓱᕈᓯᓛᓄᑦ ᑕᕐᕆᔮᒃᓴᑦ ᑭᖑᓕᕇᑦ ᓴᖅᑭᔮᖅᑎᑦᑎᔪᑦ ᐃᓄᐃᑦ ᐅᖃᐅᓯᖏᓐᓂᒃ, ᑕᑯᒥᓇᖅᑐᖁᑎᖏᓐᓂᒃ, ᐱᒻᒪᕆᐅᒋᔭᖏᓐᓂᒃ, ᑕᑯᓐᓇᕈᓐᓇᖅᑎᑦᑎᕙᒃᑐᑎᒡᓗ ᐃᓕᓐᓂᐊᕈᑎᑦᑎᐊᕙᖕᓂᒃ ᑲᓇᑕᒥᐅᓄᑦ ᓱᕈᓯᕐᓄᑦ. ᑭᖑᓕᕇᑦ ᑕᑯᒃᓴᐅᖃᑦᑕᕐᓂᐊᖅᑐᑦ ᐊᔾᔨᒌᖖᒋᑦᑐᓂᒃ ᐃᓄᒃᑎᑐᑦ ᓂᔾᔭᐅᓯᔭᖅᑎᓂᒃ ᐃᓕᖅᑯᓯᕐᓂᒡᓗ ᓴᖅᑭᔮᖅᑎᑦᑎᔨᓂᒃ ᐅᖃᖅᑎᖃᕐᓗᑎᒃ. ᑖᒃᑯᐊ ᐅᖃᖅᑎᐅᔪᑦ ᑕᑯᖅᑯᔾᔨᖃᑦᑕᕐᓂᐊᖅᑐᑦ ᐊᔾᔨᒌᖖᒋᑦᑐᓂᒃ ᐃᓕᓐᓂᐊᕈᑎᓂᒃ (ᑎᑎᖅᑐᒐᖅᓯᒪᔪᓂᒃ ᑕᕐᕆᔮᒃᓴᓂᒃ, ᐊᐅᓚᑕᒐᕐᓂᒃ, ᐱᓪᓚᕆᖕᓂᓪᓗ). ᑖᒃᑯᐊ ᑭᖑᓕᕇᑦ ᑎᑎᖅᑐᒐᖅᓯᒪᔪᓂᒃ ᐊᐅᓚᔫᓂᒃ ᐅᓂᒃᑳᖑᔪᓂᒃ ᓴᖅᑭᔮᖅᑐᖃᖃᑦᑕᕐᓂᐊᖅᑐᑦ, ᐃᓄᐃᑦ ᐅᓂᒃᑳᖅᑐᐊᖏᓐᓂᒃ ᖃᐅᔨᒪᓂᖏᓐᓂᒡᓗ , ᐊᒻᒪᓗ, ᐃᓕᓐᓂᐊᒐᕐᓂᒃ (ᓈᓴᐅᑎᑦ, ᐊᒥᐊᑦ, ᐃᓗᑦᑏᑦ, ᑎᑎᖅᑲᓂᒡᓗ, ᐊᓯᖏᓐᓂᒡᓗ.).

ᑕᑯᓐᓇᖅᑎᑦᑎᖃᑦᑕᕐᓂᐊᖅᑐᑦ ᐃᓕᖅᑯᓯᖏᓐᓂᒃ ᐊᕙᑎᖓᓂᓗ ᑲᓇᖕᓇᐅᑉ ᐅᑭᐅᖅᑕᖅᑐᖓᑕ, ᑲᓇᑕᒥᐅᒐᓴᖕᓄᑦ ᑕᑯᔭᐅᓚᐅᖅᓯᒪᖖᒋᑦᑐᓂᒃ, ᑭᖑᓕᕇᑦ ᑖᒃᑯᐊ ᑕᑯᕚᓪᓕᖅᑎᑦᑎᖃᑦᑕᕐᓂᐊᖅᑐᑦ ᐃᓕᖅᑯᓯᖅᑎᒍᑦ ᐊᔾᔨᒌᖖᒋᑦᑐᓂᒃ, ᑐᓴᕈᒥᓇᖅᑐᓂᒃ, ᖁᕕᐊᓇᖅᑐᓂᒡᓗ. ᐃᒡᓗᕋᓛᕐᒥ ᐃᓕᓐᓂᐊᖅᑎᑦᑎᓂᐊᖅᑐᖅ ᐅᑭᐅᖅᑕᖅᑐᒥ ᓱᕈᓯᕐᓂᒃ ᐃᓕᖅᑯᓯᖏᓐᓂᒃ ᐅᖃᐅᓯᖏᓐᓂᒡᓗ ᐃᓕᓴᐃᓗᓂᓗ ᑕᑯᓐᓇᖅᑐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᖃᖅᑳᖅᓯᒪᖖᒋᑦᑐᓂᒡᓗ ᓱᕈᓯᕐᓂᒃ ᑲᓇᑕᒥ ᐃᓄᐃᑦ ᐃᓕᖅᑯᓯᖏᓐᓂᒃ ᐱᖅᑯᓯᖏᓐᓂᒡᓗ ᐊᕙᑎᖓᓂᓗ ᓄᓇᕘᑉ ᐅᑭᐅᖅᑕᖅᑑᓪᓗ.